PIDATO LOMBA "Perpisahan-2"

Inggih, Suksma kadi galah sane kapica ring tityang,  Sadurung tityang sida matur amatra, lugrayang riin tityang ngaturang suksman manah,  Majeng Ida Hyang Prama Kawi, dwaning malarapan antuk paswecan Ida, presida raris macepuk, mapupul kadi galah mangkin ring genahe puniki, Inggih                       “ Om Swasti Astu “   

Inggih, kaping Ajeng ring Ratu maka pamucuk  utawi……., sane Wangiang Tityang, taler para …..Sane Kusumayang tityang, lan Sawitran tityang sareng sami, sane  dahat tresna sihin tityang,

Yan Nganinin Indik Acara kadi puniki Munggwing Kopa Nirgamayang tityang Tan Bina  Kadi Imba sane Kaodarang antuk Ida  Sang Tosning Sujana Sane maosang tan lian “ Selamin Iraga Kantun Nuluh Rurung Mahuripe driki ring jagat sekala, Napi ja Presida antuk ngelaksanayang, kengin maparidabdab wastanyane, wantah Galah sane maka Bantangnyane, lan sayuwakti tan wenten sane pinih ajeg tiosan ring sane kabawos  Perubahan, Wit sangkaning punika raris, wenten kadi acara puniki, Inggih, Nenten Makeh matur malih,  Munggwing sampun kadi Cutet panumayan galah tityang, Ngiringan lan  nyarengin sapolah palih driki ring ……, Yan bawosang sane sampun-sampun  menawita akeh maka Laksanan tityang sane tan manut ring kahyun, utawi Iwang, malarapan Galah puniki tityang ( sareng   sami puniki ) Nunas Geng Pengampura, Mogi ledang Ratu lan Sawitra sami ngampurayang, Dwaning kinucap tan wenten wong swasta Nulus, Tan wenten Jadma sane tan ceda/cacad, Inggian punika, Dumogi sida tityang puniki stata Inget pamekas ngincepang daging wejangan-wejangan, Piceket-piceket  sane naanan polihang tityang driki, duk tityang kantun nyarengin ring …….. puniki. 

Inggih risampune raris benjangan  tityang wenten ring genah tiosan, tityang nunas ring Ratu, asapunika taler Sawitra sami, sampunang Lali, Sane Tunas Tityang mangda sida stata  Megatra ring Dewek tityang puniki, ri pet prade wenten swakarya ring soang-soang genah, ( Griya, puri, paumahan)   puaranyane, Tan mari kantun meled kadi tityang mangda sida sagalak-saguluk salunglung subayantaka sekadi sane riin.     

Inggih Wantah asapunika sida antuk tityang  nagingin Galah  Mapinunas, Mapidaweg,   Yan Munggwing Ngicen piceket menawi doh pacang presida antuk tityang, Dwaning kawentenang dewek tityang pamekasnyane kantun wimuda, punggung lan beloge kantun makilit ring dewek tityang.

Inggih kadi kaodar iwawu, kawentenan pakilitan, yadyan pasawitran driki ring …….., yan rerehang kais, saih ring genah tiosan, tan wenten nyamenin indik pakilitan, pasewitrane, punika mahawinan  kadi kantun stata eling tur kedeh mangda sida nyarengin pasima kraman driki, lan yan kopa dados tityang nunasang mangda katincapang malih, saking sane sampun-sampun.   

Inggih ping Untat  atur tityang antuk Prama Santi, Om Çantih, Çantih, Çantih, OM. P’GoegPeguyangan Kangin