PIDATO LOMBA "Ajeg Bali"

Ainggih, Sadurung tityang pacang ngamileting ring acaranē puniki, lugrayang riin tityang ngaturang Pangubhakti Majeng ring Ida Hyang Prama Kawi melarapan antuk nguncarang Sarining Pamuji                “ Om Swasti Astu “   

Kaping ajeng Tityang ngaturang Suksmaning Idep, Mantuka ring Bapak miwah Ibu Guru, dwaning sampun mapaica galah ring para Sisya ngawekasang Padarta Masadana antuk Basa Bali, pamekas kadi  tityang  kalugra nyarengin Pacentokanē puniki. Tamengan Kadi mangkin sanē maka  bantang tityang ngemileting acara puniki nēnten tios ;                      ” Ajeg Bali, Sadana Antuk Ngrajegang Basa Bali, ”

Inggih, Yan Munggwing Mawosang Basa  Bali, Sekadi sanē sampun kauningin, Indik Basa Bali punika sampun ketah kaanggen babawos ring Jagat Bali, Yaning Indonesia Maduwē Basa Nasional, Inggian Basa Indonesia, taler ring soang – soang Daērah, wēnten Basa Daērah, Umpami Basa Jawi, Basa Sasak muah sanē lianan.

Dadosnē Kadi Basa Balinē punika, Basa anggen Nyugjugang kawēntenan Adat lan Kebudayaan Balinē, punika tē mawinan Basa druwēnē patut jugjugang mangda Ajeg ring Jagat Bali, Yan Asapunika raris Wēnten Pitakēn, Sapasira sanē patut Ngajegang Basa Balinē punika ? Nēnten tios wantah Iraga sareng sami; Rawuh para Sisya, Sajroning Yadnya ; minakadi Dēwa Yadnya, Pitra Yadnya utawi Manusa Yadnya, Asapunika taler ring Parembugan, Peparuman, ring pasar miwah ring pemarginē. Inggih mangkin sapunapi yēning ring Sekolah, Sampun kē Iraga sareng sami presida nganggēn Basa Bali? yēning durung ngiring kawitin saking mangkin mabawos nganggēn Basa Bali, titiang nunas Sampunang merasa lek, Kēmad, sampunang taler marasa  Sisya sakēng Dēsa, dawning Iraga mabawos antuk Basa Bali.

Kēngin patut taler rajegin, angkenin Basa Bali punika anggē ring pagubugan serahina, sawirēh Iraga dados Sisya wentene ring Jagat Bali, napi malih sang sane embas, lekad, iriki sampun pastika Basa Baline kasengguh Basa Laluhur, tios malih kabawos Basa Ibu. Dening jagat Bali   puniki  sanē maka tetuwek para toris, utawi tamui dura negara, duaning asapunika kaangkat taler Iraga patut mlajah Basa sanē lianan umpami Basa Inggris, Jepang, utawi sanē lianan, Sakēwanten Indikē puniki boya marti Iraga dados lali ring Basa Ibu, Basa Leluhur, Basa Bali druwēnē. Yēn padē Iraga lalemēna tur lali mlajahin Basa Bali, penadosnē Basa Druwēnē kasuwēn – suwēn kirang polih uratian,  Basa Bali druwēnē tan urungan pacang sirna.

 Inggih ping untat tityang Nunas, Ngiring Ajegang Basa Bali druwēnē, Om Çantih, Çantih, Çantih, Om

P’Goeg  Peguyangan Kangin