Weda Pangaksama

PANGAKSAMA

Om Swastiastu

Om Awignamastu !!!!!

Jatin ipun sampun katah kardin sang Pradnyan, sane marupa pelambang –pelambang, minakadin ipun : Tatwa – tatwa, maka miwah sesana-sesana sane sampun banget mapikenoh, sane gumanti kanggen Ngenter Pangastawa sajroning Gagelaran Yadnya, taler agem-ageman ndiri sane mewit  ring daging-daging Çastragama.

Yadyastun asapunika, kedeh taler titiang mapauruk mupulang kadi daging kasurat puniki, sane tan lian tatujon manah mangda wenten anggen Uger-uger, Gagulak, Gaguwat

Sajroning punika, kawentenan pupulan puniki wantah kesaratang pisan antuk sarana mapauruk ring sesana – sesana sanē patut   anggen ngenter Pangastawa

Inggih mogi-mogi sih Ida Hyang Kasuhun, Para Semeton sareng sami sane memawosin kalih Sang Arsa nincap mapauruk sida mangguh kerahajengan

Om Çantih, Çantih, Çantih,Om

Saniscara Kliwon, 11 Agustus 2007.

Kapupul olih,

Ida   Rçi  Oka  Widnyana

Griya Yadnya Sari,Ubung